Lao
ການຮ້ອງຂໍລາປ່ວຍ ແລະລາພັກເພື່ອເບິ່ງແຍງຄອບຄົວໂດຍໄດ້ຮັບຄ່າຈ້າງຂອງຣັຖວໍຊິງຕັນ
ສຳລັບການບໍລິການຊ່ວຍເຫຼືອດ້ານພາສາ, ໃຫ້ໂທຫາ 833-717-2273 ແລະ ເລືອກທາງເລືອກທີ 7, ແລ້ວທາງເລືອກທີ 2. ຜູ້ຊ່ຽວຊານດ້ານການດູແລລູກຄ້າຈະຕອບຄຳຖາມເປັນພາສາອັງກິດ. ອກພວກເຂົາເຖິງພາສາທີ່ທ່ານປາກເວົ້າ ແລະ ພວກເຂົາຈະໃຫ້ທ່ານຖືສາຍລໍຖ້າ ໃນຂະນະທີີ່ພວກເຂົາຊອກຫາລ່າມແປພາສາໃຫ້ມາຮັບສາຍ.
ການລາພັກທີ່ໄດ້ຮັບຄ່າຈ້າງແມ່ນມີສອງປະເພດສຳລັບລູກຈ້າງສ່ວນຫຼາຍໃນຣັຖວໍຊິງຕັນ:
ການລາປ່ວຍ: ເມື່ອບັນຫາສຸຂະພາບຮ້າຍແຮງໃດໜຶ່ງເຮັດໃຫ້ທ່ານບໍ່ສາມາດເຮັດວຽກໄດ້. (ການຜ່າຕັດ, ການນອນພັກໃນລະຫວ່າງຖືພາ, ການພັກຟື້ນຈາກການເກີດລູກ ຫຼື ການປິ່ນປົວສຳລັບບັນຫາສຸຂະພາບຊຳເຮື້ອ.)
ການລາພັກເພື່ອຄອບຄົວ (ລວມເຖິງ ການລາເພື່ອສ້າງສາຍໃຍຜູກພັນກັບສະມາຊິກໃໝ່ໃນຄອບຄົວ ແລະການລາເພື່ອຄອບຄົວທະຫານ)
- ການລາເພື່ອໄປເບິ່ງແຍງຄົນໃນຄອບຄົວທີ່ມີບັນຫາສຸຂະພາບຮ້າຍແຮງ,
- ເພື່ອສ້າງສາຍໃຍຜູກພັນກັບເດັກ ຫຼືລູກທີ່ເປັນສະມາຊິກໃໝ່ໃນຄອບຄົວຂອງທ່ານ, ຫຼື:
- ການລາເພື່ອຄອບຄົວທະຫານ ຈະອະນຸຍາດໃຫ້ທ່ານໄດ້ໃຊ້ເວລາກັບຄົນໃນຄອບຄົວທີ່ເປັນທະຫານຊຶ່ງກຳລັງຈະໄປປະຕິບັດໜ້າທີ່ໃນຕ່າງປະເທດ ຫຼື ກຳລັງກັບຄືນມາຈາກການປະຕິບັດໜ້າທີ່.
ເພື່ອໃຫ້ມີເງື່ອນໄຂໄດ້ຮັບ, ທ່ານຕ້ອງເຮັດວຽກໄດ້ 820 ຊົ່ວໂມງໃນປີຜ່ານມາ.
ນັບໃສ່ທຸກຊົ່ວໂມງທີ່ເຮັດວຽກໃນຣັຖວໍຊິງຕັນ, ເຖິງແມ່ນວ່າ ທ່ານໄດ້ເຮັດວຽກຫຼາຍແຫ່ງ ຫຼື ປ່ຽນນາຍຈ້າງ.
ຂັ້ນຕອນການຮ້ອງຂໍ
1. ແຈ້ງໃຫ້ນາຍຈ້າງຂອງທ່ານຮູ້
2. ຮວບຮວມເອກະສານ
- ບັດປະຈຳຕົວ ເບິ່ງເອກະສານທັງໝົດທີ່ຍອມຮັບໄດ້ ທີ່ paidleave.wa.gov/get-ready-to-apply. ທ່ານບໍ່ຈຳເປັນຕ້ອງໃຊ້ເລກປະກັນສັງຄົມໃນການຮ້ອງຂໍ.
- ສຳລັບການລາປ່ວຍ, ຫຼື ການລາເພື່ອຄອບຄົວ ເພື່ອເບິ່ງແຍງຄົນໃນຄອບຄົວທີ່ມີບັນຫາສຸຂະພາບ, ຈົ່ງໃຫ້ສິ່ງໃດໜຶ່ງໃນສິ່ງເຫຼົ່ານີ້:
- ຟອມຢັ້ງຢືນບັນຫາສຸຂະພາບຮ້າຍແຮງ, ຊຶ່ງທ່ານແລະຜູ້ໃຫ້ບໍລິການເບິ່ງແຍງສຸຂະພາບຂອງທ່ານຕ້ອງເປັນຜູ້ປະກອບຟອມ.
ຫຼື: - ຟອມລາພັກຕາມກົດໝາຍການລາປ່ວຍແລະການລາເພື່ອຄອບຄົວ
ຫຼື: - ບັນທຶກຂອງໝໍທີ່ມີຂໍ້ມູນອັນດຽວກັນກັບຟອມຢັ້ງຢືນບັນຫາສຸຂະພາບຮ້າຍແຮງ.
- ຟອມຢັ້ງຢືນບັນຫາສຸຂະພາບຮ້າຍແຮງ, ຊຶ່ງທ່ານແລະຜູ້ໃຫ້ບໍລິການເບິ່ງແຍງສຸຂະພາບຂອງທ່ານຕ້ອງເປັນຜູ້ປະກອບຟອມ.
- ສຳລັບການລາເພື່ອຄອບຄົວທະຫານ, ມີຫຼາຍເຫດຜົນທີ່ມີເງື່ອນໄຂເໝາະສົມສຳລັບພາວະສຸກເສີນທາງທະຫານ, ສະນັ້ນ ເອກະສານສະໜັບສະໜູນການລາຂອງທ່ານກໍຈະແຕກຕ່າງກັນໄປ. ພວກເຮົາຈະຕ້ອງການເອກະສານຕ່າງໆ ຈາກທາງທະຫານ ຫຼື ແຫຼ່ງອື່ນ ທີ່ສະແດງໃຫ້ເຫັນວ່າ ທ່ານກຳລັງຂໍລາດ້ວຍເຫດຜົນພາວະສຸກເສີນທາງທະຫານພາຍໃຕ້ກົດໝາຍ FMLA.
- ສຳລັບການລາເພື່ອຄອບຄົວເພື່ອສ້າງຄວາມຜູກພັນກັບເດັກທີ່ເກີດໃໝ່ໃນຄອບຄົວຂອງທ່ານ ພໍ່ແມ່ທັງສອງຄົນສາມາດນຳໃຊ້ຟອມຢັ້ງຢືນການເກີດໄດ້. ດາວໂຫຼດຟອມຕ່າງໆ.
- ສຳລັບການລາເພື່ອຄອບຄົວເພື່ອສ້າງຄວາມຜູກພັນກັບເດັກທີ່ຮັບເອົາມາລ້ຽງ ຫຼື ຖືກຈັດໃຫ້ຢູ່ໃນຄອບຄົວຂອງທ່ານ, ທ່ານສາມາດນຳໃຊ້ເອກະສານຕ່າງໆ ທີ່ສະແດງໃຫ້ເຫັນເຖິງການຮັບເອົາເດັກມາລ້ຽງ, ຫຼື ການຮັບເອົາລູກບຸນທຳ ຫຼືການເປັນຜູ້ປົກຄອງຂອງເດັກ. ດາວໂຫຼດຟອມຕ່າງໆ.
3. ຮ້ອງຂໍລາພັກ ຫຼັງຈາກເກີດເຫດການທີ່ມີເງື່ອນໄຂເໝາະສົມຂອງທ່ານ, ເຊັ່ນ ການຜ່າຕັດ, ການເກີດລູກ, ຫຼື ການລາເພື່ອເບິ່ງແຍງຄົນໃນຄອບຄົວທີ່ມີບັນຫາສຸຂະພາບຮ້າຍແຮງ.
4. ດາວໂຫຼດຂໍ້ມູນເພີ່ມເຕີມກ່ຽວກັບການຮ້ອງຂໍເງິນປະກັນປະຈຳອາທິດ.
ຂ້ອຍສາມາດລາໄດ້ຈັກມື້?
- ດົນນານເຖິງ 12 ອາທິດສຳລັບການລາປ່ວຍ.
- ດົນນານເຖິງ 16 ອາທິດຂອງການລາປ່ວຍແລະການລາເພື່ອຄອບຄົວຮວມກັນ ຖ້າວ່າ ທ່ານມີເຫດການທີ່ມີເງື່ອນໄຂເໝາະສົມຫຼາຍກວ່າໜຶ່ງເຫດການໃນປີດຽວກັນທີ່ຂໍລາ.
- ດົນນານເຖິງ 18 ອາທິດຂອງການລາປ່ວຍແລະການລາເພື່ອຄອບຄົວຮວມກັນ ຖ້າວ່າ ທ່ານມີພາວະເຈັບປ່ວຍຮ້າຍແຮງໃນການຖືພາ.
ນາຍຈ້າງຂອງທ່ານ not ຈຳເປັນຕ້ອງເກັບວຽກງານຂອງທ່ານໄວ້ໃຫ້ທ່ານ ຖ້າວ່າ:
- ບໍລິສັດມີລູກຈ້າງໜ້ອຍກວ່າ 50 ຄົນ
- ທ່ານໄດ້ເຮັດວຽກໃຫ້ບໍລິສັດໜ້ອຍກວ່າໜຶ່ງປີ
- ທ່ານໄດ້ເຮັດວຽກໜ້ອຍກວ່າ 1,250 ຊົ່ວໂມງໃຫ້ແກ່ບໍລິສັດໃນປີຜ່ານມາ